ذكريني من انتي .. (أنتي ساره وإلا نوره أو شهد .) ..!

صدفه جتني طالعتني من بعيد اليا بعيد
من كثر ماهي تطالع قمت اطالعها واصد

ماوعيت الا برهبه كن نبضاتي تزيد
كنت اطالعها وخايف كنت اقرب وابتعد

قمت افكر واتذكر قمت اردد قمت اعيد
زاد خوفي ..وارتباكي خوفي لا يدري احد

الا هي .. قامت تنادي انت فيصل ؟؟ قلت اكيد
وانتي منهو جاوبت من دار ابوفيصل فهد

عانقتني ..واحضنتني ..وامسكت ايد بايد
ماعرفتك ..علميني ردت وقالت بعد

طالع بعيني وشوف في عيوني شي فريد
وين حبك ..وين وعدك... ان حبي للابد

ياخساره ايش صاير ليه كذا صاير بليد
وين ياحب السوالف والمحبه والعهد

لحظه .. لحظه اسمعيني مواخوك اسمه وليد
لا . ياحظي لا ياقلبي انا اخوي اسمه سعد

قمت اخربط في كلامي صار في قلبي وقيد
قمت اعدد انتي ساره ..والا نوره.. اوشهد

ياخساره كنت اظن اسمي مدون بالوريد
ماحسبت احساس قلبك يسكنه هذا العدد

ليه تخدعني؟ بحبك وانت لي كنت الوحيد
كنت اسافر في عيونك مايرافقني احد

كان يعجبني عنادك كنت اسميك العنيد
كنت احب اروع صفاتك يوم تعلنها ابد

كنت تاخذ من فؤادي كنت اجيلك بالمزيد
كنت تسبقني لقلبي يوم تصرخ ياوعد

كنت اصارع فيك حبي وانت حبك مايحيد
كنت اشوف الكون كله في عيونك لي بلد

كنت تاخذ من شعوري كل ماتبغى وتريد
كنت مدري تحتويني كنت اظنك لي سند

كنت غير الناس عندي كنت لي شيخ وسيد
اذكر اني كنت اسولف في غيابك حق سعد

واشتكي من طول بعدك وانت فيني موبعيد
ليتني ماقلت احبك ليت قلبي مانولد

ياكثر ماكنت احبك شوفتك لي يوم عيد
ياكثر ماصرت اكره نبض قلبي للابد

\
/
\

وهذي القصيده رده عليها

:
:
:

اسمعيني .. لوسمحتي واسمعي الراي السديد
من ثمان سنين كنتي في حياتي ياوعد

واذكراني كنت احبك واذكر اني كنت اشيد
في محبه ماذكر انه عاشها مثلي احد

ماختلفنا !! بس عودي للزمن امس البعيد
فيه كان الناس تخشى في العشق جزر ومد

كنت اشوفك في خيالي في حروفي والقصيد
رغم بعدك عن عيوني وبيننا حاجز وسد

رغم بعدك وابتعادك كنت احس اني سعيد
كنت اراضي فيك قلبي كنت اخف عنه واشد

كن حبي والمشاعر والاماني كالعبيد
نرتمي بحضان قلبك لين ماذاب الوعد

ياوعد الوقت عدى وصرت انا وانتي نعيد
عهد مدري كيف عدى المهم نفس العهد

تذكري وش كنت اسوي لانتهى عندي الرصيد
كنت اشوف الليل مظلم وارجع لعينك وارد

ارتمي في حضن همسك وابتدي لك من جديد
من كثر ماكنت اسولف كنت احس اني اسد

ياوعد.. شكلك تغير بعد هالعمر المديد
تدري اني من تركتك صار لي بنت وولد

\
/
\

أعجبتني afro

يالله تقهر,,

|||صار عنده بنت وولد|||نسى حبهاا,,

اخ بس شي يقهر,,

والله حرام الحب يروح..

يسلمو خيتو

قصيده راائعه..

وهذي وحده من ضحايا الحب..

الله يهدي الجميع,,

صحيح الشي الخطا من بدايته مايستمر
نهايته خطااء..

_________________

.....

الله يسلمك ...

مشكورره على المرور ..

اح ياقلبي

مشكوووووووره اصولهـ بعد قلبي فديتك

لاتحرمينا جديدك غلااااااااااااااي

كنت غير الناس عندي كنت لي شيخ وسيد
اذكر اني كنت اسولف في غيابك حق سعد

واشتكي من طول بعدك وانت فيني موبعيد
ليتني ماقلت احبك ليت قلبي مانولد

أصووله مررررررررة مؤثرة القصيدة

يعطيك العافية

مشـ ع ــلوه

_________________

http://s3.ae.gladiatus.com/game/c.php?uid=85650

مشكورين وماقصرتوااا على المرور ..

ويعاطيكم الله العاافيه ..

تقطع القلب يا عميري وه بس وه

يعطيييك الف عاافيه اصولتنا على هالذوق ما تقصريين يا بعدهم

يسلموووووووووو

الله يعاافيك ..

وتسلمين على المرور الحلووو ..